Rəşad Əliyev (Müəllif)
Azyaşlılar da daxil olmaqla 50-dən çox zərərçəkmiş insan alveri və fahişəliklə məşğul olmaqda ittiham olunan dünya şöhrətli repçi Pi Diddiyə (əsl adı - Şon Kombs) qarşı yeni iddia hazırlayırlar.
OLAY yazır ki, bu haqda “Buzbee Hüquq Firması”nın nümayəndələri məlumat veriblər.
Onların müştəriləri arasında sənətçi və onun nüfuzlu dostları tərəfindən cinsi istismara məruz qalan 50-dən çox qurban var.
Vəkil Toni Bazbi aydınlaşdırdığı kimi, qurbanlar arasında həm qadınlar, həm də kişilər var - və onların çoxu onlara qarşı cinayətlər törədildiyi zaman azyaşlı idi.
“Bu cəsur insanların bəziləri baş verənlər barədə polisə məlumat verib, bəziləri isə məlumat verməyib. Hər bir hekayə ürək ağrıdır. Şikayət olunan əməllər mehmanxanalarda, şəxsi evlərdə və bədnam Diddinin məclislərində baş verib. Bu qrup insanlara qarşı törədilən cinayətlər heyrətləndiricidir və yalnız qüdrətli şəxslərin azyaşlıları və zəifləri məcbur etdikləri azğınlıq kimi təsvir edilə bilər. Bu iş irəlilədikcə təzminat tələb edən qrupun böyüməsini gözləyirəm. Və daha çox insan məsuliyyətə cəlb olunacaq”, - deyə vəkil bildirib.
Hüquq firması gələn həftənin əvvəlində bu dəhşətli hekayələrdən bəzilərini üzə çıxartmaq niyyətindədir. Bunun üçün isə onlar mətbuat konfransı keçirməyi planlaşdırır.
Xatırladaq ki, noyabr ayında reperin keçmiş sevgilisi Kessi Pi Didi illərlə cinsi və fiziki zorakılıqda ittiham etsə də, 24 saatdan sonra o, iddiasını geri götürmüşdü. O vaxtdan bəri onun döyülməsinin amansız görüntüləri sosial şəbəkələrə yayıldı və iş böyüyərək qorxulu ölçülər alıb. Martın sonunda sənətçinin evində axtarışlar aparılıb, nəticədə qadağan olunmuş maddələr, silahlar və mindən çox uşaqlar üçün istifadə olunan yağ və cinsi əlaqə üçün istifadə olunan gel maddələrə aşkar edilib. Diddi hazırda Nyu-Yorkun ən pis həbsxanalarından birində girov olmadan və intihara cəhd şübhələri səbəbindən nəzarət altındadır. Bundan başqa, məlum olub ki, repçi həbsxanada zəhərlənmək qorxusundan özünü ac saxlayır. Bundan əvvəl internetdə dünya şöhrətli məşhurların Pi Diddinin çılğın şənliklərində çəkilmiş nadir görüntüləri yayılıb. Reperin tədbirlərində qonaqlar arasında milyonlarla insanın sevdiyi, hazırda ölümcül xəstəliklə mübarizə aparan Brüs Uillis də var.
