“Artıq bir neçə həftədir Amerikadayıq”

Xalq artisti Emin Ağalarov instaqram səhifəsində maraqlı paylaşım edib.

OLAY yazır ki, o Amerika səfəri zamanı çəkilmiş görüntüləri paylaşaraq bu sözləri yazıb:

“Biz artıq bir neçə həftədir Amerikadayıq. Uşaqlara mənim böyüdüyüm, oxuduğum yerləri göstərməyi çoxdan istəyirdim. Birlikdə mənim məktəbimə və ilk ofisimə baş çəkdik. Anamla, bacımla və köhnə dostlarımla vaxt keçirmək fürsəti mənim üçün çox dəyərlidir, çünki təəssüf ki, tez-tez görüşə bilmirik. Amma bu görüşlər üçün okeanı keçməyə dəyər!

Cəmi bir neçə gün ərzində o qədər maraqlı şeylər oldu ki — bütün dünyanın adını bildiyi musiqi əfsanələri və aktyorlarla nahar etdik. İngilis dilində albom yazdım, bu isə tamamilə ayrı bir hekayədir, sonra ətraflı danışacağam. Həm də bir çox sadə, amma çox xoşbəxt anlar oldu: qızımla velosiped və skuter sürdük, Los-Ancelesdə sevdiyim restoranda yemək yedik. Gözəl səfər oldu”.