Apple sentyabrın 9-da keçirilən təqdimatda yeni iPhone 18 Pro və iPhone 18 Pro Max modellərini nümayiş etdirib. Təqdimat şirkətin yeni CEO-su Con Ternusun rəhbərliyi ilə keçirilən ilk böyük tədbir olub.
OLAY yazır ki, yeni modellər A20 Pro çipi, təkmilləşdirilmiş kamera sistemi və daha uzun batareya ömrü ilə fərqlənir. Əsas kamerada 48 MP sensor və dəyişən diafraqma texnologiyası tətbiq edilib. Pro Max modelində video izləmə müddəti 45 saata qədər artırılıb.
iPhone 18 Pro 1 199 dollardan, iPhone 18 Pro Max isə 1 299 dollardan başlayır. Ön sifarişlər sentyabrın 12-də, satışlar isə sentyabrın 18-də başlayacaq.
Təqdimatda Apple-ın ilk qatlanan smartfonu iPhone Duo da təqdim olunub. 7,6 düymlük daxili ekrana malik cihazın qiyməti 1 999 dollar olacaq və oktyabrın 23-də satışa çıxacaq.
Qeyd edək ki, standart iPhone 18 modeli bugünkü təqdimatda nümayiş etdirilməyib. Onun 2027-ci ilin yazında təqdim olunacağı bildirilir.
