Xalq artisti Afaq Bəşirqızı 14-cü dəfə əməliyyat olunub.
OLAY yazır ki, bu barədə Xalq artisti Moderator.az-a danışıb.
“Cərrahiyyə əməliyyatı dünən səhər saat 10-da baş tutdu. Axşam saat 8-də həkimin köməkliyi ilə ayağa qalxıb gəzdim. Bu mənim üçün ən böyük sevincdir.
Mən indiyə qədər bədənimin ayrı-ayrı hissələrində 14 əməliyyat keçirmişəm, amma heç vaxt xarici həkimlərə müraciət etməmişəm”, - aktrisa qeyd edib.
Qeyd edək ki, A.Bəşirqızı uzun müddətdir ayaqlarında yaranan problemlərə görə yeriməkdə əziyyət çəkir.
