Mərhum britaniyalı musiqiçi Liam Peynin bütün sərvəti onun səkkiz yaşlı oğlu Bear Peynə qalacaq.
OLAY yazır ki, söhbət 21 milyon funt sterlinq (47 milyon manatdan çox) məbləğində vəsaitdən gedir.
Liam Peyn vəsiyyətnamə tərtib etməyib və rəsmi nikahda olmayıb. Böyük Britaniya qanunvericiliyinə əsasən, onun bütün əmlakı müğənni Çerildən dünyaya gələn yeganə oğlu Beara miras qalacaq. Uşaq atasının sərvətinə yalnız 18 yaşına çatdıqdan sonra tam çıxış əldə edə biləcək.
Xatırladaq ki, müğənninin faciəvi ölümü 2024-cü il oktyabrın 16-da Buenos Aires şəhərində baş verib. Ekspertiza nəticələrinə görə, sənətçinin orqanizmində alkoqol və qadağan olunmuş maddələr aşkarlanıb. Liam Peyn vəfat etdiyi zaman 31 yaşında olub.
