Reper Orxan Zeynallı ötən ilki rekord qıran konsertlərindən 6 ay sonra yenidən səhnəyə çıxıb.
OLAY yazır ki, 3 minə yaxın insan qarşısında çıxış edən müğənni “Gemini” adlı gecəsində hitlərini ifa edib. Anşlaqla keçən konsertə “Hər şey zordur. Məkanın sahibi buradadır” sözləri ilə başlayan Orxan fanatlarına onu diqqətdə saxladıqları üçün minnnətdarlığını bildirib.
Gecədə Röya Miriyeva, Rizvan Əliyev, Tomris, Okaber, Çinarə Məlikzadə, PRoMete, Vüsal Qasımov, Samir Səlimov kimi sənətçilər də yer alıb.
İllər ərzində yazdığı və rəğbət görən mahnılarını səsləndirən Zeynallı “Bütün nəaliyyətləri, uğurları qazanmaq olar, ancaq bunu sevdiyin insanla bölüşəndə məna qazanır. Sevdiyinin qədrini bilmək lazımdır, sonra gec olacaq” sözləri ilə diqqət çəkib.
Qeyd edək ki, konsertin ikinci günü bu gün Elektra Events Hallda keçiriləcək.
