İş xanımı, modelyer Elnarə Bəkirovanın atası Kamran Bəkirovu qətlə yetirməkdə şübhəli bilinənlərdən birinin fotosu yayılıb.
OLAY yazır ki, 1984-cü il təvəllüdlü Namiq Əliyevin görüntüsünü E.Bəkirova ilə qohumluq əlaqələri olan influenser Aysel Şükür instaqram hesabında paylaşıb.
Qeyd edək ki, aprelin 6-da paytaxtın Sabunçu rayonunda fərdi əmək fəaliyyəti ilə məşğul olan 1954-cü il təvəllüdlü Kamran Bəkirovun üzərində olan 300 min manatla itkin düşməsi barədə polisə məlumat daxil olub.
Polis tərəfindən keçirilən əməliyyat-axtarış tədbirləri nəticəsində həmin şəxsin öldürülməsi və meyitinin gizlədilməsi məlum olub.
Davam etdirilən təxirəsalınmaz tədbirlərlə cinayət əməlini törətməkdə şübhəli bilinənlər - əvvələr məhkum olunan 1953-cü il təvəllüdlü Mustafa Zeynalov, 1984-cü il təvəllüdlü Namiq Əliyev saxlanılıb.
