9 apreldə evlənməyə hazırlaşan Bruklin Bekham və Nikola Ann Peltz cütlüyün evlilik müqaviləsi imzaladığı ortaya çıxıb.
OLAY yazır ki, onlar nikah mərasimlərinin yayım haqlarını “Vogue” dərgisinə satıb, buna görə də qonaqların sosial media paylaşımı etməməsi barədə xəbərdarlıq edilib.
2020-ci ilin iyulunda nişanlanan cütlüyün evlilik müqaviləsi imzalaması mediada səs-küyə səbəb olub. Bu müqavilə 23 yaşlı Bruklin və 27 yaşlı Nikola üçün bağlayıcı özəllik daşıyır.
Müqaviləyə əsasən, onlar boşandıqları halda hər iksi də ailələrindən qaynaqlanan sərvətdən pay almayacaq.
Qeyd edək ki, Bekham ailəsinin sərvəti 380 milyon sterlinq, Peltz ailəsinin sərvəsi isə 1,3 milyard sterlinqdir.
Bekham ailəsinə gəlin gedən Nikolanın atası Nelson Peltz ölkəsinin ən varlı şəxsləri arasındadır. Anası Kladuia Hefner isə keçmiş modeldir.
Cütlüyün toyu gəlinin ailəsinin dəyəri 76 milyon sterlinq olan Florida, “Palm Beach”dəki malikanədə baş tutacaq. Toya xərclənən pulun isə 3 milyon sterlinq dəyərində olacağı iddia edilir.
Nikola mərasimdə iki gəlinlik geyinəcək. “The Sun” qəzetinin xəbərinə görə isə Bruklin Bekhama nikahda 19 yaşlı qardaşı Romeo və 16 yaşlı Kruz yoldaşlıq edəcək.
