Elvin Elxan (Müəllif)
Müğənni Eldar Qasımov “Səs Azərbaycan”da münsiflərin tənqid olunmasına reaksiya verib.
OLAY yazır ki, “10-da görüşək” proqramına qonaq olan sənətçi Xalq artisti Brilliant Dadaşovanın maraqlı sima olduğunu vurğulayıb:
“Maraqlı sima Brilliant Dadaşovadır. Aramızda ən təcrübəlisidi. Öz istiqaməti və yanaşması var. İştirakçılarını da ona uyğun seçir”.
Bundan əlavə, şou xatirinə jürilərlə mübahisə etdiklərini də vurğulayıb:
“Fikir mübadiləsi və fərqli yanaşmalar ola bilər. Müsabiqənin duzu ondadır ki, sözümüz təsr olsun, tutmasın. Biz himayə etdiyimiz ifaçılar da fərqli olmalıdır. Qoy tamaşaçılar yeni sima görsün. Çox istərdim ki, həmin iştirakçılardan kimsə beynəlxalq müsabiqədə ölkəmizi təmsil etsin.
Şou naminə nələrsə olur. Naharda isə hər şey unudulur. Ondan sonra yenə mübahisə başlayır. Çox fərqliyik. Bu da maraqlıdır”.
Qeyd edək ki, yarışmanın münsifləri Xalq artistləri Brilliant Dadaşova, Tünzalə Ağayeva, Murad Arif və Eldar Qasımovdur.
