Elvin Elxan (Müəllif)
İsrailin Azərbaycandakı səfiri Corc Dik tvitter hesabında azərbaycanlı müğənninin çıxışı barədə post paylaşıb.
OLAY yazır ki, o, İsrailin “The X Factor” yarışmasında ifası ilə hər kəsi təəccübləndirən Kama Kamilaya dəstək olub.
“Avroviziya 2022-də İsraili Azərbaycan əsilli israilli müğənni təmsil edəcəkmi? Kama Kamila Azərbaycana ehtiramını bildirərək açılış çıxışı ilə münsifləri heyran etdi”, - deyə İsrail səfiri bildirib.
Qeyd edək ki, “X Factor” şousunun İsrail versiyası Avroviziya beynəlxalq mahnı müsabiqəsində iştirak üçün seçim mərhələsidir. Əgər Kama Kamila layihədə qalib gələrsə, Avropada İsraili təmsil edəcək.
