Samirə Ərəblinskaya (Müəllif)
Bu il Avroviziya mahnı müsabiqəsində ölkəmizi “Səs Azərbaycan” layihəsinin qalibi Nadir Rüstəmlinin təmsil edəcəyi deyilib.
Bəs, Nadir Rüstəmli kimdir?
OLAY builki təmsilçimiz barədə məlumatları təqdim edir:
N.Rüstəmli 8 iyul 1999-cu ildə Azərbaycanın Salyan şəhərində anadan olub. 2005-2016-cı illərdə Salyan rayonu 3 saylı tam orta məktəbdə təhsil alıb. 2016-cı ildə Azərbaycan Turizm və Menecment Universitetinə qəbul olub, 2021-ci ildə həmin universitetin məzunu olub. O uşaq yaşlarından musiqi ilə məşğul olmağa başlayıb.
Məktəb illərində Qulu Əsgərov adına musiqi məktəbində piano və solfecio üzrə 7 illik musiqi təhsili alıb. 2017-ci ildə Tələbə Baharı Ümumrespublika Mahnı Festivalına qatılıb ikinci yerin qalibi olub. 2019-cu ildə eyni yarışmada yenidən iştirak edərək yarışmanın birincisi seçilib. 2019-cu ildə “Youthvision” Beynəlxalq mahnı müsabiqəsində Azərbaycanı təmsil etmiş, 21 ölkə arasında 2-ci yerin qalibi olub. 2021-2022-ci il “Səs Azərbaycan” yarışmasında iştirak edib və orada da birincilik əldə edib.
Qeyd edək ki, Nadir Rüstəmli Eldar Qasımovun komandasında iştirak edərək qalib seçilib.
