OLAY.AZ (Müəllif)
"Tesla" və "Space X"-in baş direktoru İlon Mask keçmiş sevgilisi, iki övladının anası müğənni Qrayms tərəfindən məhkəməyə verilib.
OLAY yazır ki, valideyn münasibətlərinin qurulması üçün ərizə sentyabrın 29-da Kaliforniya məhkəməsinə təqdim edilib.
Müraciət uşağın qanuni valideynlərinin nikahda olmadığı halda məhkəmə tərəfindən müəyyən edilməsinə yönəlib. Qraymsın hələ ki, aliment tələbi olmayıb.
Mask və Qrayms 2018-ci ildə görüşməyə başlayıblar. Bir neçə dəfə ayrılıblar və yenidən bir araya gəliblər.
Onların münasibəti 2021-ci ilə qədər davam edib. Müsahibələrin birində müğənni yaxşı münasibət saxlamağa davam etdiklərini və hələ də bir-birlərini sevdiklərini söyləyib.
