OLAY.AZ (Müəllif)
"Hər zaman sənətini öndə tuturdu. Biz əvvəl tanış olduğumuz zaman mənə bir söz demişdi, "Sənətim sənə mane törədər?" Nişanlandıqdan sonra Tünzalə Əliyevanın kim olduğu bildim".
OLAY yazır ki, bu sözləri mərhum əməkdar artist Tünzalə Əliyevanın həyat yoldaşı Röyal sosial şəbəkədə yazıb.
O, Tünzalə Əliyevanın o günə qədər belə adlı-şanlı olduğunu bilmədiyini açıqlayıb: "Çünki televizora baxan deyildim. Amma onu "Toppuş bacı" kimi tanıyırdım. Ailə qurduq və mənə dedi ki, “bircə sən desən sənətdən get o zamam gedərəm. Yoxsa əsla sənətimi tərk etmərəm”. Daim oynadığı tamaşalardan, çəkildiyi seriallardan, filmlərdən danışırdı.
Oynadığı rolları izləyir və öz səhvlərini axtarırdı. Tünzalə səsi batdığı gün mənə söylədi ki, “səhnəsiz nə edəcəyəm, ölərəm səhnəsiz”. Mən isə ona "Düzələcək səsin, narahat olma" deyirdim. "Səs və qulaq qüsurlu insanlar üçün səhnə quracağam" dedi və bu dünyada ömrü çatmadı ki, düşüncələrini reallaşdırsın.
Əvvəlcə Rəbbimə, sonra sənə qovuşacağım günü gözləyirəm".
