Pərviz Hüseyn (Müəllif)
ARB TV-də yayımlanan “O üz” verilişinin ilk qonağı müğənni İbrahim Borçalı olub.
OLAY yazır ki, layihə sənətçinin avtomobil qəzasında həyatını itirən oğlu Rəhim Həsənova həsr edilib.
Proqramda Borçalının həyat yoldaşı Zöhrə Həsənovaoğlu barədə danışaraq, göz yaşı töküb:
“Dua edirdim ki, ölüm, mən niyə yaşayıram? Sonra zaman keçdikcə düşündüm ki, mən yoxamsa, Rəhim də yoxdur. Mən yaşamalıyam ki, Rəhimi yaşadım. Bir gün mənə dedi ki, ana, elə düşünürəm ki, mən tez öləcəm. Məndə Rəhim doğulandan bir qorxu hissi var idi. Elə bilirdim ki, Rəhimə nəsə olacaq və o xəbər səhər gələcək. O xəbər elə səhər gəldi. Bir xüsusiyyəti var idi, həmişə tələsirdi. Avqustun 17-si 21 yaşı tamam olurdu. Tortu götürüb yanına getdim, 21 rəqəmli şamın biri yanmadı. 2-ni yandırdıq, şamın 1-i yanmadı. Yarım saat çalışdıq ki, yansın amma yanmadı. Dedim, yəqin hər zaman tələsdiyin yarım qalmış həyatındır sənin. Rəhimi 3 gün dəfn etməyə qoymadım. Yola salan gün dedim ki, mənə bir işarə ver ki, səni görə bilim. İnanırsız, bir balaca kəpənək gəldi və uçmağa başladı. O mənə mesaj göndərdi ki, məni görür. O gündən evdən kəpənək əskik olmur. Ən böyük arzum onu bəylik kostyumunda görmək idi. Həmişə deyirdi ki, 3 övladım olacaq. Hər gün dua edirəm ki, ailəmdə kiməsə nəsə olacaqsa, mənə olsun.
Ən qəddar şərt qoysalar, deyərdim ki, qollarım, ayaqlarım kəsilsin, gözümü çıxarsınlar, təki bir dəfə Rəhim qayıtsın, bir dəfə qoxusunu çəkim, “ana” desin. Bu arzunun reallığı yoxdur”.
Qeyd edək ki, İ.Borçalının oğlu Rəhim Marneuli rayonunda yerləşən Şüləver kəndində qəzaya düşüb
