Ötən il Rusiyanı Avroviziyada təmsil edən Manizha Ukraynanın müsabiqədə builki çıxışını bəyənməsi qalmaqala səbəb olub.
OLAY yazır ki, o, KİV-ə müsahibəsində “Kalush Orchestra”nın performansının xoşuna gəldiyini qeyd edib.
Sənətçi eyni zamanda İspaniya və Portuqaliyanı da favoritlər siyahısına daxil etdiyini bildirib.
Bundan sonra, Rusiya mətbuatında Manizha barədə “satqın” başlıqlı xəbərlər yayılmaya başlayıb.
Həmçinin, onun bir müddət qəza keçirən bacını Parisdə ziyarət etməsi barədə də məlumatlar fərqli formada təqdim edilib. Bildirilib ki, Manizha ölkədən köçməyi planlaşdırır.
