Müğənni Lana Del Rey üç illik fasilədən sonra yeni albomlarının çıxacağını elan edib və bu əlamətdar hadisəni həyat yoldaşı ilə romantik fotosessiya paylaşaraq qeyd edib.
OLAY yazır ki, görüntülərdə 41 yaşlı müğənni 51 yaşlı həyat yoldaşı Ceremi Düfreni qucaqlayır. Fotolarda isə Ceremi bayram süfrəsinin yanında, eləcə də cütlük yaxınları ilə birlikdə görüntülənib.
“Son dörd ildə həyatımda çox şey dəyişdi. Gözlədiyiniz üçün təşəkkür edirəm. Bunlar həqiqətən də yaratdığım ən gözəl iki işdən biridir. Onlar mənəvi inkişaf, sevinc, eyni zamanda şübhələr, ümid və yeni başlanğıcların əslində hər şeyə tamamilə sıfırdan başlamaq demək olduğu düşüncələrimdən ilham alıb. Həyat sizi başqa bir axına yönəldəndə bu, sizin seçiminiz olmur, sadəcə bir macəraya çevrilir. Mən də bu barədə yazdım. İndi isə bu prosesə güvənməyin və yoluma davam etməyin vaxtıdır” deyə Lana paylaşımında yazıb.
