Rəşad Əliyev (Müəllif)
“Mənim həyat yoldaşım olmaq çox çətin məsələdir”.
OLAY yazır ki, bu sözləri müğənni Manaf Ağayev qonaq olduğu “Rəngarəng” verilişində deyib.
Sənətçi proqramda həyat yoldaşından və onunla münasibətlərindən söz açıb:
“Öz ailəmə təşəkkür edirəm. Həyat yoldaşım nə çəkibsə də içində çəkib, təki Manafın qəlbinə dəyməyim, Manafın istədiyi olsun. Çünki bizdə əsl sevgi olub. Biz bir-birimizi sevib, evlənmişik. Bizi atamız evləndirməyib. Bəli, mən həyat yoldaşımı bu gün də sevirəm. Fəxr edirəm ki, mənim elə bir ailəm var. Bəlkə də, onun yerinə kim olsa mən indi bir neçə ailə qurmuşdum. Təbii ki, hər ailə də olduğu kimi, o da qısqanır”.
Qeyd edək ki, Manaf Ağayevin iki oğlan və bir qız övladı var.
