Rəşad Əliyev (Müəllif)
“Hamı “Mercedes” olmaq istəyir, amma “Zaporojets” kimi fikirləşir. Əgər sənin səsin varsa, bu hələ o demək deyil ki, sənin hər şeyin var. Başı da bir az işlətmək lazımdır”.
OLAY yazır ki, bu sözləri Əməkdar artist Ədalət Şükürov qonaq olduğu “İncə səhər” verilişində danışıb.
Sənətçi bildirib ki, bir çox müğənnilərin gözəl səsləri olsa da, bu işdən yaxşı pul qazanmaq bilikləri yoxdur:
“Əgər gözəl səsin varsa və sən başını da gözəl işlədirsənsə, bu tandemdə sən irəli gedə biləcəksən. Bizim gözəl müğənnilərimiz var, amma marketinq sahəsində zəifdirlər. Əgər gözəl səsin varsa və marketinqdən anlayışın yoxdursa, kənardan bu sahəni biləni dəvət edirsən və o sənə kömək edir. Beləcə sən səsinlə pul qazanırsan. Biz hər bir sənətlə pul qazanmaq üçün məşğuluq. Əgər mən gözəl qarmon ifaçısıyamsa, və bu musiqi ələtində ifam mənə pul gətirmirsə, o zaman gedib çəkməçiliklə məşğul olacağam ki, mənə bu iş daha çox pul gətirsin”.
