Rəşad Əliyev (Müəllif)
“Bir torpağım vardı. Onu da oğurladılar. O torpağı üç nəfər apardı. Hansının vicdanı varsa o da bilir. Olan – qalanım o torpaq idi o da getdi. Əlimdə nə var idisə ona da övladıma ev aldım. Onun 34 yaşı var. Uşaqlarımın hamısına ev almışam. Biz çöldə, çəpərdə qalmamışıq”.
OLAY yazır ki, bu sözləri Əməkdar artist Ruhəngiz Allahverdiyeva qonaq olduğu “Xəbərin var?” maqazin verilişində deyib.
Sənətçi bildirib ki, həm həyət evi həm də binaların birində mənzili var:
“Ağlamaq istəmirəm. Nə pul var idisə, ona da həyət evi aldım. O qədər geyimlərim var ki, onları bina evinə yerləşdirə bilməzdim. 6 qapılı dolabım var. Amma hələ də digər evimdən paltarlarımı gətirə bilməmişəm. Yalnız səhnə geyimləridir. Onlar heç kimə lazım deyil. Həyət evimdə qarderob otağım var. Amma o da mənə çatmır. Mən 150 kvadrat metrlik binada ev də alsaydım, o mənə yetərli olmayacaqdı. Həyət evimdən başqa bina evim də var. Yəni, mən o binada olan evimi qarderob etməmişəm. Sadəcə orada çoxsaylı geyimim vardı və necə yolda tıxac olur, o mənzildə də paltar əlindən tıxac vardı”.
