Rəşad Əliyev (Müəllif)“Başqa illər və yaşım başqa olsaydı... Yəni, daha gənc olsaydım, misal üçün 30 yaşımda həyat yoldaşım bizim evlilik ildönümüzü unutsaydı, mənim üçün bu fəlakət olardı. İndi mənim 40 yaşım var”.
OLAY yazır ki, bu sözləri müğənni Xuraman Şuşalı qonaq olduğu “Nigar xanım” verilişində deyib.
Sənətçi həyat yoldaşı, rejissor Elçin Məmmədovun evliliklərinin ildönümünü unutması məsələsinə normal hal kimi qəbul etdiyini vurğulayıb:
“Elçinin çoxsayda işlərinin içində bizim ildönümüzü tarixini unutmasına normal baxıram. Çünki hər şey anlayışla olmalıdır. Fikirləşirəm ki, artıq müdrüklük yaşımdayam”.
Qeyd edək ki, Xuraman və Elçin cütlüyünün dörd övladı var.
