Samirə Ərəblinskaya (Müəllif)
Bakı Media Mərkəzinin rəhbəri Arzu Əliyeva “9 Senses” Yaradıcılıq və İncəsənət Mərkəzinin açılışına qatılıb.
OLAY yazır ki, A. Əliyeva hərəkət improvizasiyanı araşdıran – “DanceAbility” metodu inklüziv rəqs və hərəkət dərsində iştirak edib.
Qeyd edək ki, bu metod improvizasiyanı öyrətməklə özümüzlə, başqa birisi və ətraf mühitlə ünsiyyət və əlaqə qurmağa yardımçı olmaqla yanaşı, bədən fərqindəliyini artırmağa köməklik edir.
“DanceAbility” metodu təhlükəsiz və qərəzsiz mühit yaradaraq, insanlara vücud vasitəsilə öz emosiyalarını ifadə etməyə, rahatlamağa, həmçinin digər insanlarla empatik ünsiyyət qurmaq imkanı yaradan universal vasitələri öyrədir. Eyni zamanda proqram sayəsində iştirakçılar fiziki fəaliyyət və bədii ifadə üçün bərabər imkanlardan faydalanırlar.
