OLAY.AZ (Müəllif)
Əməkdar artist Elza Seyidcahan və bacısı Lalə Seyidcahan arasındakı qalmaqal hələ də davam edir.
OLAY yazır ki, “Elgizlə izlə” verilişinin aparıcısı Elgiz Əkbər canlı yayım zamanı onları barışdırmağa çalışsa da, bu cəhdi alınmayıb. Onun Lalə Seyidcahana ünvanladığı “Bəs, Elzanı sevmirsən” sualına isə Lalə belə cavab verib:
“Elza məni sevsin. Niyə onu sevməyim, atamın, anamın qızıdır. O, bizi unudub. Hətta elə bilirdim bu dünyada yoxdur. Ondan soruşun görün rəfiqələri icazə verir mənə “salam” verməyə?”.
Müğənni bu cavabdan sonra bacısı ilə efirdə mübahisə etmək istəmədiyini deyib. Sənətçi Elgizin “Bacınla barışmaq istəyirsən” sözlərinə “Həyatımla, bu hadisələrlə barışmışam” reaksiyasını verib. 
Məsələ ilə bağlı Əməkdar artist ilə əlaqə saxlasaq da o, bu haqda ümumiyyətlə danışmaq istəmədi:
“Bu barədə danışmaq istəmirəm. Hazırda şəhərdən kənarda konsert proqramına hazırlaşıram. Haqqımda çıxan xəbərlərdən isə ümumiyyətlə məlumatsızam”.
Qeyd edək ki, Elza Seyidcahanın sözlərinə görə, bacısı ötən gün nəvəsinin dünyaya gəlməsi ilə bağlı paylaşım etmişdi.
