Rəşad Əliyev (Müəllif)
Repçi Orxan Zeynallı açıqlaması ilə diqqət çəkib.
OLAY yazır ki, sənətçi instaqram səhifəsində yayımladığı postda “Spotify” rəqəmsal musiqi platformasındakı uğurundan yazıb.
Orxan bildirib ki, sözügedən axında bütün janrlar üzrə yerli ifaçılar arasında isə ilk sənətçi odur:
“Hazırda Azərbaycan ərazisindən “Spotify” rəqəmsal musiqi platformasına daxil olanda təklif olunan ikinci, yerli ifaçılar arasında isə ilk sənətçiyəm. Bütün janrlar üzrə… Yaxşı tac və taxt düzəldən usta lazımdır. Tanış maraqlanır…”
Qeyd edək ki, Orxan Zeynallı 24 və 25 yanvar tarixlərində saat 20:00-da ilk dəfə olaraq ölkənin ən önəmli səhnəsi Heydər Əliyev Sarauında musiqiçilərlə birgə solo konsert verəcək. Repçinin sözlərinə görə artıq hər iki gün üçün biletlərin 70 faizi satılıb.
