Elvin Elxan (Müəllif)
Böyük Britaniya kralı III Çarlz Bukingem sarayında mərhum müğənni Tina Törnerin xatirəsini ehtiramla yad edib.
OLAY yazır ki, bu barədə “Mirror” nəşri məlumat yayıb. “Welsh Guards Band” Uels Mühafizə Korpusunun 1-ci Batalyonu ilə birlikdə Bukingem Sarayının qarşısında qarovul dəyişikliyi zamanı Tina Turnerin 1989-cu ildə hit olan “The Best” mahnısını ifa edib.
Mərhum müğənninin pərəstişkarları III Çarlzın bu jesti ilə təsirləniblər: “Bu, heyrətamizdir”, “Əfsanəyə gözəl hörmət”, “Bu hərəkətə görə krala təşəkkür edirəm! Mən ölkəmizi sevirəm”, “Təşəkkür edirəm Karl, çox gözəl idi”,- deyə bildiriblər.
Qeyd edək ki, III Çarlz Tina Törnerlə 1986-cı ildə “The Prince's Trust” xeyriyyə fondunun tədbirində çıxış edərkən tanış olub.
