Rəşad Əliyev (Müəllif)
Dünya şöhrətli Hollivud aktrisası Ancelina Coli “The New York Times” qəzetinə verdiyi müsahibədə oğullarından birinin Nyu Yorkda ayrı yaşadığını bildirib.
OLAY yazır ki, 49 yaşlı aktrisanın sözlərinə görə, gənc oğlan təxminən 20 yaşında ikən özü üçün aldığı mənzildə yaşayır.
Coli oğullarından hansının orda məskunlaşdığını dəqiqləşdirməsə də, o qeyd edib ki, digər uşaqlar bəzən evə baş çəkərək evi bir növ “gecəqondu”ya çevirirlər.
Maddoks Ancelina Coli və Bred Pittin övladlığa götürülən oğullarından biridir. Gənc artıq kino sənayesində ilk addımlarını atır. 2015-ci ildən o, anasının “Kot d'Azur”, “Atamı əvvəlcə öldürdülər” və “Mariya” kimi filmlərində rejissor assistenti kimi çalışıb.
Keçmiş həyat yoldaşlarının daha iki övladlığa götürülmüş övladı var: 20 yaşlı Paks və 19 yaşlı Zahara, həmçinin üç bioloji uşaq: 18 yaşlı Şaylo və 16 yaşlı əkizlər Vivyen və Noks. Daha əvvəl məlum olub ki, cütlüyün bütün qızları Pitt soyadından imtina ediblər.
Qeyd edək ki, Ancelina Coli və Bred Pitt 2005-ci ildə görüşməyə başlayıblar. Onlar 2014-cü ildə evləniblər, lakin iki il sonra ayrılıblar. Məhkəmə prosesi səkkiz il davam edib və yalnız 2024-cü ilin dekabrında tamamlanıb.
