Rəşad Əliyev (Müəllif)
Dünya pop səhnəsinin ulduzu Cennifer Lopez və Hollivud aktyoru Ben Afflek boşandıqları elan edildikdən sonra ilk dəfə birlikdə görüntüləniblər.
OLAY yazır ki, paparatsiyalar məşhurları və onların uşaqları - Benin 15 yaşlı qızı Serafina, 12 yaşlı oğlu Samuel və 16 yaşlı əkizləri Cennifer, Emma və Maks Beverly Hills otelindəki “The Polo Lounge”da nahar yeməyinə gedərkən fotolarını çəkib.
Eyni zamanda, bu görüşün şahidi “Page Six” nəşrinə bildirib ki, ulduzların uşaqları nahar zamanı ayrı masada əyləşiblər və 55 yaşlı Cennifer və 52 yaşlı Ben nəinki danışıblar, hətta “əl-ələ tutublar” və “öpüşüblər”.
Lopez nikah üzüyünü belə barmağına taxıb. Bununla belə, jurnalistlərin çəkdiyi bəzi fotoşəkillərdə məşhurların əvvəlcə oteldən kənarda, sonra isə avtomobildə bir şeylə bağlı emosional mübahisə etdiyi görünür.
Qeyd edək ki, Cennifer avqustun sonunda Bendən boşanmaq üçün ərizə verib. Ulduzların çox maraqlı münasibət tarixçəsi var: onlar 2002-ci ildə nişanlanıblar, lakin medianın sıx diqqətinə görə, necə deyərlər, nişanı ləğv ediblər. Demək olar ki, 20 il sonra münasibətlərini yenidən alovlandırdılar və 2022-ci ildə evləndilər. Əvvəlcə onların ailə həyatı xoşbəxt görünsə də, lakin sonradan Benlə Cenniferin münasibətlərində gərginlik yaşanıb hətta davaya qədər böyüyüb.
