Rəşad Əliyev (Müəllif)
Rus estrada ulduzu Anna Sedokovanın keçmiş 32 yaşlı əri, basketbolçu Yanis Timmanın ölümünün təfərrüatları məlum olub.
OLAY yazır ki, ölümündən əvvəl Yanis, Annanın yaşadığı evdən çox uzaqda, köhnə beş mərtəbəli binanın birinci mərtəbəsində yerləşən “Orange” hostelində otaq kirayələyib.
Yanis dekabrın 14-dən 16-dək orada qeydiyyatda olub.
Bu barədə "MK. Təcili xəbərlər" teleqram kanalı məlumat yayıb.
“Shot” teleqram kanalının məlumatına görə, Timmanın ölüm səbəbi asfiksiya - bədənin oksigen aclığı və qanda artıq karbon qazı olub.
Qeyd edək ki, müğənninin bir müddət əvvəl rəsmən boşandığı 42 yaşlı Anna Sedokovanın keçmiş əri, basketbolçu Yanis Timma bu gecə ölü tapılıb. Onun 32 yaşı var idi. Yanis, bir gün əvvəl onu təbrik etdiyi müğənninin ad gününün gecəsi dünyasını dəyişib. Ekranda müğənninin nömrəsi və ona zəng etmək xahişi ilə Timmanın telefonu yaxınlıqda tapılıb.
Rus medianın yazdığı kimi, Yanis Timma çətin bir boşanma yaşayırdı və bundan əvvəl sakitləşdirici dərman qəbul etdiyi “Instagram” səhifəsində canlı yayım açaraq izləyicilərini qorxutmuşdu. Onlar Yanisə yaxınlarından kömək istəməyi şiddətlə tövsiyə etmişdirlər.
Sevgi problemlərindən əlavə, Timmanın idman karyerasında da problemləri var idi və qazancı da azalmışdı.
