Samirə Ərəblinskaya (Müəllif)
“HOZU” filminin ikincisi təqdim olunacaq.
OLAY yazır ki, ssenarist, aktyor Məcid Hüseynov “HOZU cangüdən” filminin çəkilişlərinin artıq bitdiyini və 1 noyabrdan tamaşaçıların ixtiyarına veriləcəyini bildirib:
“Birinci ilə ikinci filmin fərqi ondadır ki, artıq “Hozu”nun 10 uşağı var. Ən böyük arzusu ferma sahibi olmaq olan “Hozu”nun bir gün atasını inək vurur. Kişi əməliyyat olunur. Əməliyyatdan çıxanda “Hozu”nu çağırıb deyir ki, sənin şəhərdə bir bacın var, get onu tap gətir. O da gedir şəhərə, bacısını tapır. Sən demə “Hozu”nun bacısı ... Nə isə, axırını da gəlib izlədikdən sonra görərsiz (gülür). Çox gülməli olduğuna zəmanət verirəm”.
Məcid Hüseynov, Kamilə Babayeva, Elsevər Camal, Teymur Məmmədov və Ülviyyə Əliyevanın baş rolunu oynadığı ekran işinin ssenarisi M. Hüseynov, Elnur Hüseynov, Alim Cəfər və Faiq Ağamalıya məxsusdur.
Filmin quruluşçu rejissoru İlham Yaşaroğlu, quruluşçu operatoru isə Rəşad Qarayevdir.
