Samirə Ərəblinskaya (Müəllif)
Müslüm Maqomayev adına Azərbaycan Dövlət Akademik Filarmoniyasında Xocalı soyqırımının 30 illiyinə həsr olunmuş musiqi axşamı təşkil olunub.
OLAY yazır ki, anım mərasimində əvvəlcə şəhidlərimizin xatirəsi bir dəqiqəlik sükutla yad olunub.
Daha sonra konsert proqramı təqdim edilib.
Anım gecəsində Mustafa Mehmandarovun dirijorluğu ilə Üzeyir Hacıbəyli adına Azərbaycan Dövlət Simfonik Orkestrı çıxış edib. Orkestrın ifasında Aqşin Əlizadənin “Simfoniya nömrə 5”, Fikrət Əmirovun “Nizaminin xatirəsinə” həsr olunmuş simli simfoniya, Qara Qarayevin “İldırımlı yollarla” baletindən “Laylay” əsərləri səsləndirilib.
Konsert proqramında Xalq artisti Gülbacı İmanovanın bədii rəhbərliyi ilə Azərbaycan Dövlət Xor Kapellası çıxış edib.
Tədbir Rauf Əliyevin “Azadlığa gedən yollar”, “Xocalıya ithaf” əsərlərinin səsləndirilməsi ilə başa çatıb.
