Pərviz Hüseyn (Müəllif)
Türkiyəli məşhur aktrisa Fatma Girik vəfat edib.
OLAY yazır ki, sənətçi İstanbulda xəstəxanaların birində dünyasını dəyişib. Beynində su toplanan aktrisa 79 yaşında idi.
Qeyd edək ki, 12 dekabr 1942-ci ildə İstanbulda dünyaya gələn Fatma Girik 1957-ci ildə ilk baş rolu olan “Leke” filmində oynayıb.
Bir neçə uğursuz ekran işlərində yer alsa da, ona ən çox uğur gətirən “Ölüm peşimizde” adlı film olub.
“Yeşilçam”da 180-dən çox filmdə oynayan aktrisa 1989-1994-cü illərdə İstanbulda Şişli bələdiyyə rəisi kimi də çalışıb.
Aktrisa rejissor Memduh Ünlə 1969-cu ildən bəri eşq yaşayıb. Memduh Ün evli olduğu həyat yoldaşından ayrılsa da, heç vaxt rəsmi şəkildə boşanmayıb. O, 2015-ci ildə vəfat edib. Fatma Girik isə heç vaxt evlənməyib, övladı yoxdur.
