Bir kişinin geyindiyi heç bir şey ayaqqabıları qədər vacib deyil. Araşdırmalar göstərir ki, insanların sizin haqqınızda ilk diqqət yetirdiyi şeylərdən biri məhz ayaqqabınızdır. İstər görüşə çıxdığınız insan, istər bir restoranın metrdoteli, istərsə də Hermès mağazasındakı satış məsləhətçisi olsun — çoxları əvvəlcə ayaqqabılara baxır. Qısacası, siz hələ bir kəlmə deməmişdən əvvəl ayaqqabılarınız sizin haqqınızda çox şey deyir.
İlin bu dövründə yəqin ki, qış ayaqqabılarınızı artıq qaydasına salmısınız. Amma qış artıq bitib və demək lazımdır ki, iri qara derbi tipli ayaqqabılar temperatur 18 dərəcəni keçəndə o qədər də uyğun görünməyəcək. Bəs qarşıdakı altı ay ərzində nə geyinəcəyik?
Bu sualın cavabını tapmaq üçün ötən ilin iyun ayında keçirilən podium nümayişlərinə baxdıq. Dizaynerlər həmin nümayişlərdə bu yaz satışa çıxaracaqları ayaqqabıları əvvəlcədən təqdim etmişdilər. Kolleksiyalara ümumi baxanda isə dünyanın müxtəlif moda nümayişlərində təkrarlanan bir neçə ayaqqabı trendi ortaya çıxdı. Ümumilikdə yeddi trend.
Aşağıda onların hamısını tapa bilərsiniz. Kiçik bir ipucu vermək lazımdırsa, moda dünyasında son dövrlərdə baş verən kreativ direktor dəyişikliklərindən sonra dizaynerlər sanki daha təhlükəsiz seçim kimi klassiklərə yönəliblər: plimsoll tipli snikerlər, fişerman sandaletləri, toxunma slip-on ayaqqabılar və idman üslublu snikerlər. Nəticədə dizayner ayaqqabıları ilə illərdir sevilən klassik modellər arasındakı sərhədin xoş bir şəkildə qarışdığı bir mövsüm yaranıb.
Qısası, OLAY modanı izləyərkən möhkəm addımlar atmağın yeddi yolunu təqdim edir:
Klassik kətan snikerlər
Vogue Runway Dior (Sol) / Vogue Runway Prada (Sağ)
Defilelərdə ən tez nəzərə çarpan trendlərdən biri yay üçün sadə kətan snikerlərin geri dönüşü oldu. Conatan Andersonun Dior üçün hazırladığı yeni Saltwind plimsoll modeli hamımızın tanıdığı və sevdiyi Vans Authentic modelinin daha zərif bir “qohumu” kimidir. Şimali İrlandiyalı dizaynerin kolleksiyaya gizlicə əlavə etdiyi dörd yarpaqlı yonca detallı versiyaya da baxmaq olar. Kartik Research isə fərdiləşdirilmiş Converse Chuck 70 modellərini təqdim edib. Prada isə Milan podiumunda dənizçilik üslubundan ilhamlanan plimsoll snikerlər nümayiş etdirib.
Əgər dizayner modelləri büdcənizi aşırsa, orijinal klassiklər hələ də əla seçimdir: açıq krem rəngli Vans Authentic, sadə amma rəngarəng Converse Chuck 70 və ya Sperry CVO modeli. Deck ayaqqabısının daha rahat sniker versiyası olan bu model də yaxşı alternativ sayılır. Onların hamısını yay boyu cins şalvarlarla, chino şalvarlarla və şortlarla rahatlıqla geyinmək mümkündür. Yay bitəndə üzərində yaranan izlər isə artıq həmin yay hekayəsinin bir parçasına çevrilir.
Dior Saltwind Sneaker (Sol) / Vans Premium Authentic Shoe (Sağ)
Daha zərif barmaqarası tərliklər
Vogue Runway Hermes (Sol) / Vogue Runway Lemaire (Sağ)
GQ jurnalından Samuel Haynın ötən ilin iyununda yazdığı kimi, dizaynerlər yenidən barmaqarası tərliklərə yatırım etməyə başlayıblar. Keçən yay ən dominant trend klassik və rəngarəng tərliklər idi. Bu yay isə onların daha yetkin və daha zərif versiyasının ön plana çıxacağı gözlənilir.
Yəni daha az kauçuk, daha çox dəri. Ən azı Brunello Cucinelli, Hermès, Giorgio Armani və Auralee kimi markaların təqdim etdiyi modellər belə idi. Dries Van Noten-in ağ tikiş detallı, dolğulu dəri modellərini və ya Lemaire-in Vibram tabanlı və topuğa dolanan pambıq ipli versiyalarını gördükdə bunun sadəcə keçici moda olmadığını anlamaq çətin deyil. Görünür ki, barmaqarası tərliklər də kifayət qədər dəbli görünə bilər — yetər ki, ayaqlarınız da eyni qayğı ilə baxımlı olsun.
Dries van Noten Leather and Suede Sandals (Sol) / Saint Laurent San Maine Logo-Print Leather Sandals (Sağ)
Fişerman sandallar
Vogue Runway Dior
Conathan Anderson Dior üçün hazırladığı ilk defilə ilə preppi stilinin yox olmayacağını göstərdi. Eyni şəkildə son bir neçə yay mövsümündə gördüyümüz fişerman sandalları da səhnədən çəkilməyə hazır görünmür. Anderson öz versiyasını “school summer sandals” adlandırdı, çünki onları zolaqlı corablarla kombin etmişdi.
Polo Ralf Loren kifayət qədər zərif və münasib qiymətli bir model təqdim edir. Daha minimalist görünüş üçün isə Vinny’s markasının qara dəri versiyalarını seçə bilərsiniz. Açıq hava axşam tədbirləri üçün onları neytral rəngli corablarla geyinə və ya Roma üslubunda corabsız istifadə edərək sərinliyin dadını çıxara bilərsiniz. Klassik tikili şortlar, kətan şalvarlar və ya sevdiyiniz köhnə çino şalvarlarla düşündüyünüzdən daha çox kombin imkanı yaradır.
Bunlarla şəhərin bir ucundan digərinə qədər piyada gedərikmi? Bəlkə yalnız Mephisto modelləri ilə. Yenə də onları şəhərdə geyinməkdən çəkinməyin. Çox uzun məsafələr getməyəcəksinizsə, bu sandaletləri geyinmək üçün mütləq Aralıq dənizi sahillərinə getməyi gözləməyə ehtiyac yoxdur.
Ralph Lauren Finn Leather Fisherman Sandal (Sol) / Dior Al Mare Fisherman Sandal (Sağ)
Rəngli snikerlər
Vogue Runway Louis Vuitton (Sol) / Vogue Runway Dior (Sağ)
Son illərdə kişi modasını demək olar ki, tamamilə ələ keçirən incə və sadə qara dəri snikerlər sanki bir qədər fasilə verəcək kimi görünür. Onların yerini isə daha cəsarətli modellər tutur. Bu dəfə söhbət yalnız rəngli modellərdən yox, otağın digər ucundan belə diqqət çəkən tonlardan gedir.
Məsələn, elektrik yaşıl svuş detalı olan sarı modellər, Dries Van Notenin şok çəhrayı və ya canlı yaşıl ipək snikerləri, yeni markalardan Pane-in isti yanıq torpaq tonları buna nümunədir. Hətta Diemme hiking ayaqqabıları belə bənövşəyi bağcıqlarla təqdim olunur.
Əlbəttə, qara-ağ Adidas Samba modelləri hər zaman yaxşı bir seçim olaraq qalacaq. Amma sniker dünyasının rəng və dizayn baxımından “dərəcəsini” bir qədər artırması da xoş bir dəyişiklik kimi görünür.
Nike Waffle Racer (Sol) / Dries van Noten Satin Sneakers (Sağ)
Ağ dəri ayaqqabılar
Vogue Runway Todd Snyder (Sol) / Vogue Runway Mfpen (Sağ)
İlin bu dövründə ağ ayaqqabı geyinmək bəzən bir az tez gəlmiş nikbinlik kimi görünür. Günlər uzanır, hava gözəlləşir və ayaqqabılar da daha yüngül olur. Ağ bak ayaqqabıları əvvəllər Memorial Dey ilə Labor Dey arasında geyilən Ivy League klassiklərindən sayılırdı və adətən sirsakr kostyumlarla kombin edilirdi.
İndi isə bu görünüş dərziliyə fərqli yanaşan Skandinaviya markaları tərəfindən yenidən şərh olunur. Məsələn, Our Legacy və Mfpen kimi müstəqil markalar bu stili öz kolleksiyalarında yeni formada təqdim edirlər.
Ağ ayaqqabı geyinmək bir az cəsarət tələb edir. Amma kanvas Vans modellərində olduğu kimi, əgər onlar həmişə təmiz qalırsa, deməli çox güman ki, kifayət qədər istifadə etmirsiniz.
Celine Leather Derby Shoe (Sol) / Our Legacy Brogue Parade Derbies (Sağ)
Hörgülü slip-on ayaqqabılar
Vogue Runway Giorgio Armani (Sol) / Vogue Runway The Row (Sağ)
Bir də toxuma (hörgü) modellər var: bağcıqlı ayaqqabılar, tərliklər, myul modelləri və ya Şimali Afrikadakı bir bazarda gəzərkən qarşınıza çıxa biləcəkmiş kimi hiss etdirən ayaqqabılar. Armani-dən The Row-a qədər bir çox markada bu cür modellər görüldü.
Bu görünüş ən çox Bottega Veneta-nın məşhur Intrecciato toxuma texnikası ilə əlaqələndirilir. Lakin İspan markası Hereu-nun slip-on modeli də olduqca güclü bir alternativ təqdim edir. Hətta Merrell-in yeni 1TRL Moab Slide modeli belə eyni rahat toxuma estetikası ilə açıq hava (outdoor) dünyasına daşıyır. Bu trendin ortaq xüsusiyyəti rahat görünüş, konfor və bol hava axınıdır.
Officine Creative Woven Mules (Sol) / Bottega Veneta Sunday Slippers (Sağ)
Futbol ayaqqabısı siluetləri
Vogue Runway Wales Bonner (Sol) / Vogue Runway Martine Rose (Sağ)
Futbol kramponları son zamanlar sahəni tərk edib gündəlik həyata qarışıb. Bu yay Dünya Kuboku olmasa da, bu trend ehtimal ki, qaçınılmaz olacaqdı. Bəzi krampon dizaynları o qədər yaxşı görünür ki, yalnız ot örtüyü olan sahələrdə istifadə edilmələri demək olar ki, israf kimidir.
Futbol estetikası ilə ilhamlanan dizaynerlər də eyni fikirdədir. Martin Ros keçən yay podiumunda krampon oxşar siluetlər təqdim etdi. Grace Wales Bonner isə Adidas ilə həyata keçirdiyi son dərəcə uğurlu əməkdaşlığı davam etdirir. Adidas da Originals seriyasından Brain Dead əməkdaşlığına və Wales Bonner modellərinə qədər bir çox sahədə bu trendi dəstəkləyir.
Bu modellər dar, aşağıdabanlı, idman üslubunda və bir az da “günortadan sonra halı sahəyə gedib, axşam isə incəsənət qalereyasına baş çəkəcəksiniz” hissi verir. Qalın dabanlı snikerlərın hökm sürdüyü bir dünyada, bunlar sürətli kontra hücum üçün hazırlanmış ayaqqabılardır. Ya da ən azı şəhərdə sürətli addımlarla gəzmək üçün.
Nike Waffle Racer (Sol) / Adidas Originals x Brain Dead Techwondo Mei Metallic Leather Sneakers (Sağ)
