Pərviz Hüseyn (Müəllif)
Ukraynalı məşhur müğənni Ani Lorak (əsl adı Karolina Kuiek ) Rusiya vətəndaşlığı alıb. Bu barədə RIA Novosti agentliyi sənətçiyə yaxın mənbəyə istinadla məlumat yayıb.
OLAY yazır ki, Rusiya pasportu ona 9 iyunda təqdim olunub. Eyni zamanda, müğənninin hüquqi adını – Karolina olaraq saxladığı qeyd olunub.
Apreldə bəzi Telegram kanallarında, o cümlədən “Mash” onun Ukrayna pasportunu da gizli şəkildə yenilədiyi barədə məlumatlar yayılmışdı.
Qeyd edək ki, Ani Lorak 2024-cü ilin martında Rusiya vətəndaşlığı üçün müraciət etmişdi . O, 2017-ci ildən bəri Ukraynada səhnəyə çıxmır, səbəb kimi isə vətənində ona qarşı olan təzyiqləri göstərmişdi. Rusiya-Ukrayna müharibəsi başladıktan sonra Ukrayna ictimaiyyəti tərəfindən “satqın” adlandırılan müğənni, Rusiyada isə Ukrayna ordusuna yardım topladığı iddiaları ilə üzləşmişdi.
Lorak isə bütün bu ittihamları rədd edərək, heç vaxt hərbçiləri maliyyələşdirmədiyini və bunu etməyəcəyini bəyan etmişdi.
