Rəşad Əliyev (Müəllif)
Hollivud aktrisası Cennifer Eniston eşq yaşadığı ilə bağlı yayılan şayiələr fonunda həmkarı Pedro Paskaldan söz açıb.
OLAY yazır ki, Paskalı 50 illik yubileyi münasibətilə təbrik edən Eniston ünvanına təriflər yağdırıb.
Sosial şəbəkə əhli isə bunu flört kimi qələmə verib.
56 yaşlı Cennifer “New Yorker” dərgisindən Pedrodan bəhs edən mem yayımlayıb.
Fotoda həkimin pasiyentinə dediyi terapiya seansı təsvir edilib:
“Bunda qəribə heç nə yoxdur – son vaxtlar bir çox insanlar deyirlər ki, onların insanlığa olan inamı tamamilə Pedro Paskalın göründüyü kimi mehriban olub-olmamasından asılıdır”.
“Onun göründüyü qədər yaraşıqlı olduğunu təsdiq edə bilərəm” – deyə, Eniston şəklin altına “Ad günün mübarək, PP!” şərhini yazıb.
Qeyd edək ki, keçən ay aktyorlar Los-Anceles restoranlarından birində nahar etməsi ikilinin eşq yaşadığı şayiələrinə səbəb olub. Lakin yaxınları məşhurların yalnız dostluq münasibətlərinin olduğunu bildiriblər.
Cennifer Eniston onu Ancelina Coliyə tərk edən Bred Pittlə evli olub. O, həmçinin üç il Custin Teu ilə ailəli olub. 2018-ci ildə cütlüyün ayrıldığı məlum olub.
Pedro Paskal evli deyil və övladı yoxdur. O, münasibətlərini hamıdan gizlədir.
