Rəşad Əliyev (Müəllif)
Dünya şöhrətli reper Kardi Bi övladlarının atası, reper Offset (əsl adı - Kiari Kendrell Cephus) adam öldürməyə cəhddə, təqib etməkdə və hədələməkdə ittiham edib.
OLAY yazır ki, ulduzun sözlərinə görə, keçmiş sevgilisi artıq bir neçə aydır ki, onu təqib edir.
Bununla bağlı Kardi “X” sosial şəbəkə hesabında açdığı canlı yayımda məlumat verib:
“O, son iki aydır məşğul olduğum əsl axmaq adamdır. Hər dəfə şəhərdən çıxanda məni izləyir, səsli mesajlar göndərir və məni alçaltmağa çalışır. Bundan çox yoruldum”.
Müğənni musiqiçinin ona hər şeyi geri qaytarması üçün yalvardığını (sənətçi 2024-cü ilin avqustunda boşanmaq üçün ərizə verdi) və əks halda intihar edəcəyini bildirib.
Offset daha sonra Kardini təhdid edərək, onun da həyatını alacağını deyib.
Xatırladaq ki, 2020-ci ilin sentyabrında Kardi Bi Offsetdən boşanmaq üçün müraciət ərizəsi ilə məhkəməyə müraciət etdirdiyini bildirsə də, lakin gələn ay cütlüyün yenidən birlikdə olduğu məlum olub. 2023-cü ilin dekabrında Kardi yenidən subay olduğunu etiraf edib və beş ay sonra o yenidən Offsentin yanına qayıdıb. 2024-cü ilin avqustunda Kardi yenidən boşanmaq üçün ərizə verib. İfaçı eyni zamanda üçüncü hamiləliyini elan edib.
Qeyd edək ki, Kardi Bi daha əvvəl Offsetin onu və anasının qarət etdiyini açıqlayıb.
