Rəşad Əliyev (Müəllif)
Moskva məhkəməsi fırıldaqçılara güvənərək satdığı paytaxtın mərkəzindəki 5 otaqlı mənzili Rusiyanın Xalq artisti Larisa Dolinaya qaytarmaq qərarına gəlib.
OLAY yazır ki, bu barədə məhkəmənin mətbuat xidməti özünün teleqram kanalında məlumat yayıb.
Bildirilir ki, 69 yaşlı müğənninin alqı-satqıya etiraz etmək üçün mənzilin yeni sahibinə qarşı iddiası təmin edilib.
Mübahisəli əmlak üzərində mülkiyyət hüququ Larisa Dolinaya məxsus olduğu tanınıb”, - deyə məlumatda bildirilib.
Məlumatına görə, qərar, digər məsələlərlə yanaşı, mənzilin satışı zamanı sənətçinin vəziyyətinin, ekspertlərin müəyyən etdiyi kimi, psixi cəhətdən qeyri-sabit olduğu əsas götürülüb.
Bu işdə müttəhim, moskvalı iş adamının 34 yaşlı qızı sənətçinin yaşayış sahəsini qanuni yolla əldə edib. Ancaq indi o, bu hüquqdan məhrumdur. Onlar da ona pulu qaytarmayacaqlar.
Qeyd edək ki, 2024-cü ilin avqustunda Dolina fırıldaqçıların qurbanı olduğunu etiraf etdiyi bir video mesaj yayımlayıb. Ümumilikdə o, onlara təxminən 180 milyon rubl (təxminən 3,7 milyon manat) , o cümlədən mənzilin satışından 112 milyon rubl (təxminən 2,3 milyon manat) köçürüb. İşlə bağlı bir neçə nəfər, əsasən kuryer kimi istifadə edilənlər (sonradan pul çıxarmaq üçün bank kartlarını satanlar) həbs edilib. Lakin mətbuatın yazdığına görə, fırıldaqçıların özlərinin kimliyi hələ müəyyən edilməyib. Bundan əvvəl müğənni də məhkəmə yolu ilə iş üzrə təqsirləndirilən şəxslərdən 69 milyon rubl (təxminən 1,4 milyon manat) təzminat alıb.
