Pərviz Hüseyn (Müəllif)
Ay Yapım, Medyapım və MF Yapım seriallarının xaricdəki yayımını həyata keçirən Madd Entertainment yeni satış razılaşmalarını elan edib.
OLAY yazır ki, NOW kanalında çərşənbə axşamları yayımlanan, Braziliyanın məşhur "Avenida Brasil" serialından uyğunlaşdırılan Leyla: Hayat, Aşk, Adalet (Leyla) serialı Xorvatiya, Macarıstan, İsrail, Qazaxıstan, Meksika, Monteneqro, Rumıniya, Panama, Rusiya, İspaniya, Qazaxıstan, MENA (Latın Amerikası) və MDB (Müstəqil Dövlətlər Birliyi) ölkələrinə satılıb.
Show TV kanalında bazar axşamları yayımlanan və baş rolda Aras Bulut İynemlinin yer aldığı Deha (The Good & The Bad) serialı Rusiya və MDB üçün satılıb. Kanal D-də bazar ertəsi axşamları yayımlanan və Livanın məşhur "Al Hayba" serialından uyğunlaşdırılan Uzak Şehir (Far City) isə İsrail, Rumıniya, Rusiya, MENA və MDB bölgələrinə satılıb.
NOW-da bazar axşamları yayımlanmağa başlayan, 150-dən çox ölkəyə satılmış "Muhteşem Yüzyıl" serialından Vahide Perçin və Meryem Uzerlini bir araya gətirən Şakir Paşa Ailesi: Mucizeler ve Skandallar (Portrait of a Scandalous Family) serialı isə hələ 4 seriyası yayımlanmasına baxmayaraq, İsrail, Orta Şərq və Şimali Afrika bölgələrinə satılıb.
