Rəşad Əliyev (Müəllif)
Dünya şöhrətli Hollivudun ulduzları Ancelina Coli və Bred Pittə 60 milyon dollar qonorar qarşılığında yenidən ekranlarda görünmək təklif edilib.
OLAY “Page Six” nəşrinə istinadən yazır ki, bu təklifi rejissor və prodüser Denni Rossner irəli sürüb.
Keçmiş ər-arvad 8 il əvvəl ayrılıb və bu müddət ərzində münasibətlərini düzəldə bilməyiblər, lakin Denni Rossner etiraf edib ki, o, həyatının layihəsi adlandırdığı yeni filmin ssenarisini artıq hazırlayıb və toplayıb.
Lakin eks-cütlüyün bu layihə ilə bağlı sövdələşmə ehtimalı olduqca aşağıdır.
Təklif olunan filmdə Pitt və Coli aşiq cütlüyü - Kann otelinin sahibi Emmanuel Martinez və onun məşuqəsi və ilhamvericisi Emma Diqardı canlandıra bilərlər.
Ekran əsərinin ssenarisi real hadisələrə əsaslanır və hadisələr İkinci Dünya Müharibəsi illərində baş verir.
“Filmdə sevgi səhnələri var... Və onlardan biri çox canlıdır. Ssenariyə görə, Martinezin həyat yoldaşı və məşuqəsi var idi”, - deyə, Rossner bildirib.
Rejissor onu da qeyd edib ki, aktyorlarla danışıqlara nail olsa belə, qonorarı onlar arasında bərabər bölmək niyyətində deyil. Onun sözlərinə görə, Pitt məbləğin böyük hissəsini, təxminən üçdə ikisini almağa layiqdir.
“Hal-hazırda, düşünürəm ki, Bred Pittin potensial qonorarı (bir film üçün) 20-25 milyon dollar, Ancelina Colininki isə 15 milyon dollar diapazonundadır”, - deyə, rejissor bildirib.
Qeyd edək ki, bundan əvvəl, 2005-ci ildə Bred Pitt və Ancelina Coli artıq çəkiliş meydançasında romantikalarının başladığı “Cənab və xanım Smit” adlı döyüş filmində birlikdə rol almışdılar. Aktyorlar Colinin rejissoru olduğu “Kot d'Azur” dramında da baş rolları ifa ediblər. Film cütlüyün 2015-ci ildə boşanmasından qısa müddət əvvəl ekranlara çıxıb.
Xatırladaq ki, aktyorlar 10 ildən çox bir yerdə olublar. Doqquz il görüşdükdən sonra 2014-cü ildə evləndilər, lakin Ancelina 2016-cı ildə boşanmaq üçün ərizə verdi. Onun bu qərarının əsas səbəbi təyyarədə mübahisə və bu zaman Pittin sərxoş vəziyyətdə Coliyə və uşaqlarından birinə əl qaldırması olub. Ümumilikdə cütlüyün altı övladı var: övladlığa götürülmüş - 23 yaşlı Maddoks, 20 yaşlı Paks və 19 yaşlı Zahara, həmçinin bioloji - 18 yaşlı Şilo və 16 yaşlı əkizlər - Knoks və Vivienne. Hər üç qız Pitt soyadından imtina edib.
