Rəşad Əliyev (Müəllif)
Cennifer Lopez karyerasının əvvəlində görünüşünə görə çətinlik çəkdiyini etiraf edib.
OLAY yazır ki, sənətçi bildirib ki, latın amerikalı görünüşü onun karyerasında uğur qazanmasına mane olub.
Bu barədə Lopez “Variety's Awards Circuit” podkastına müsahibəsində danışıb.
“Düşünməyə davam etdim: “Niyə sadəcə romantik baş rolu oynaya bilmirəm? Niyə qonşu qız ola bilmirəm? Bu inam, bu sənayeyə mənsub olduğum inam bu nümunələri qırmağıma kömək etdi”, - deyə Cennifer bildirib.
Sənətçinin sözlərinə görə, o, hələ də tez-tez özündən şübhələnir və kino sənayesində ona yer olmadığına inanır. Ancaq həmin anda o, çox çalışdığını və əldə etdiyi hər şeyə layiq olduğunu özünə tez-tez xatırladır.
