Rəşad Əliyev (Müəllif)
Dünya şöhrətli Hollivud ulduzu 50 yaşlı Leonardo DiKaprio 26 yaşlı italiyalı supermodel Vittoria Ceretti ilə nişanlanıb.
OLAY “Daily Mail” nəşrinə istinadən yazır ki, Leo modellə evlənmək qərarına gəlib.
Qeyd edək ki, DiKaprio ilə Vittoria Cerettinin münasibəti ötən ilin mayında Kannda birlikdə görüntülənən zaman məlum olub. Avqustda cütlük Rikkardo Tisçinin ulduzlarla dolu ad gününə qatılıb və Santa Barbarada birlikdə gəzərkən, daha sonra isə İbizada öpüşərkən paparatsiyaların obyektivinə tuş gəlib.
Əgər Vittoriyanın barmağındakı üzük həqiqətən də nişan üzüyüdürsə, bu Hollivud aktyoru üçün ilk, gəlini üçün isə ikinci evlilik olacaq. Ceretti “Anyma” təxəllüsü ilə tanınan DJ Matteo Milleri ilə evli olub. 2020-ci ildə evlənən cütlük ötən ilin iyununda modelin DiKaprio ilə romantikası başlayan kimi ayrılıb.
