Pərviz Hüseyn (Müəllif)
“Azərbaycan Uşaqları” İctimai Birliyinin nəzdində fəaliyyət göstərən Uşaq Sığınacağı - Reinteqrasiya Mərkəzinin üzvləri “City Park Mall”ın qonağı olublar.
OLAY yazır ki, uşaqlar ilk növbədə ticarət mərkəzinin daxilində yerləşən “City Play” uşaq əyləncə mərkəzində oyunlar oynayıb, maraqlı atraksionlardan istifadə ediblər. Daha sonra “Zəncəfil” restoranı tərəfindən onlar üçün xüsusi hazırlanan yeməklərdən dadaraq gözəl anlar yaşayıblar.
“City Park Mall”dan bildirilib ki, cəmiyyətimizə dəstək vermək və sosial məsuliyyəti yerinə yetirmək ticarət mərkəzinin əsas hədəflərindən biridir:
“Bu təşəbbüslə kimsəsiz uşaqların xoşbəxtliyinə bir az da olsa töhfə vermək və onlara unutmayacaqları bir gün bəxş etməkdən məmnunluq duyuruq. Uşaqların xoşbəxtliyinə və gələcəyinə ümid işığı qatmaq üçün hər kəsin diqqətini bu cür təşəbbüslərə yönəltməyə davam edəcəyik”.
Ünvan: Babək prospekti ilə Süleyman Vəzirov küçəsinin kəsişməsi, “Bakı Ağ Şəhər”.
