Samirə Ərəblinskaya (Müəllif)
İnfluenser Həmayıl Ələsgorva keçmiş həyat yoldaşı Saməddin Cəfərli ilə bağlı açıqlama verib
OLAY yazır ki, Həmayıl instaqramda məlumat yayıb. O yaşanan gərginliyin səbəbini açıqlayıb:
“Bir məsələ haqqında da yazıb yekunlaşdırıram. Amma məni yenə haqsız yerə qıcıqlandırsalar, sonuna kimi gedəcəm bu söhbətin. Yazıb ki, “mən uşağa alimenti 10 il əvvəl vermişəm”. Gəlin, bu cümləni sizə açım. Boşanma ərəfəsində ev satıldı, hansı ki, aylıq kreditini dəfələrlə mən ödəmişəm. İçində mən aldığım mebel və elektron əşyalarla birgə satıldı. Pulun yarsı mənə çatmalı idi, normal olaraq yarısından az məbləğ verildi. Və hər aliment istəyəndə “ev bölünəndə götürdüyün pul uşağa 18 yaşına kimi bəsdi” deyilirdi. Bu nə dərəcə doğrudur? İllərdir səsimi çıxarmıram, o deməkdir ki, hər şey bombadı? Ortada uşaq olmasa yenə səsimi çıxarmazdım.
Amma hər dəfə uşaqdan istifadə etməyi, aliment söhbəti açılan kimi ağzına gələni danışmaq və ortadan itmək məni boğaza yığdı. Və digər məsələ “Həmayıl onun ailəsinə paxıllıq edir deyə bu söhbəti açıb” deyirlər. Siz necə belə məntiqsiz düşünüb mühakimə edirsiniz? Kimə, nəyə paxıllıq edəcəm mən? Evlilik normal olduğu kimi boşanma və yenidən kimləsə ailə həyatı qurmaq da normal bir haldır. Bu söhbət həmişə var idi. Mən deyirdim ki, həll yolunu tapar nə vaxtsa. Məhkəməyə də müraciət etmişəm.Vəkil dedi, neçə ildir aliment verilmir, bu həbsə gətirir çıxarır. İstəyirsiniz öz aranızda həll edin. Dedim, əşi məndən uzaq Allaha yaxın olsunlar. Bu da mənim mərhəmətim. Yəni məni çox danışdırmayın, bilib-bilmədən kimisə mühakimə etmək asan ola bilər. Amma ilahi ədalətə çox güvənmişəm hər zaman. Övladımın və mənim haqqıma girənləri də Allaha həvalə etmişəm. Bıçaq sümüyə dirənməsəydi, bu səhifədə bu mövzuları açmazdım”.
