Britni Spirs 13 il ərzində qəyyumu olmuş və müğənninin dəfələrlə qəddarlıqda ittiham etdiyi atası Ceymi Spirs barədə “Tanrı atamın ayaqlarını aldı” deyə açıqlama verib.
OLAY yazır ki, 44 yaşlı müğənninin İnstaqram hesabında atasına həsr olunmuş paylaşım yerləşdirilib, lakin post qısa müddət sonra silinib.
Silinmiş paylaşımda Britni qəyyumluq dövründə atasının ona tətbiq etdiyi məhdudiyyətlər barədə düşüncələrini bölüşüb. “Məni tanıyırsınız, mən onu bağışladım və həmişə doğru olanı etdim. Görəsən, Tanrı niyə atamın ayaqlarını aldı?” deyə Spirs yazıb.
2023-cü ilin dekabrında ulduzun atası həqiqətən də geniş yayılmış infeksiya səbəbilə sağ ayağının amputasiyasını keçirib. Lakin ikinci ayağının amputasiya edilməsi barədə əvvəllər məlumat verilməyib.
Müğənni paylaşımında həmçinin xatırladıb ki, valideynləri uzun illər ərzində həm iş həyatında, həm də şəxsi həyatında onun həyatına tam nəzarət ediblər, hara gedə biləcəyinə və kiminlə görüşə biləcəyinə qərar veriblər.
