Xalq artisti Röya Ayxan və sevilən müğənni Elçin Cəfərov növbəti dəfə bir araya gələrək eyni səhnəni bölüşüblər.
OLAY yazır ki, sənətçilər Abşeron Rayon İcra Hakimiyyəti tərəfindən şəhid övladları üçün təşkil olunan bayram tədbirində iştirak ediblər.
Tədbir çərçivəsində Röya Ayxan və Elçin Cəfərov sevilən mahnılarını səsləndirərək tədbirə xüsusi rəng qatıblar.
Onların səmimi ifası və səhnə performansı həm şəhid övladları, həm də tədbir iştirakçıları tərəfindən böyük maraq və alqışla qarşılanıb.
Qeyd edək ki, bayram tədbirinin əsas məqsədi şəhid övladlarına mənəvi dəstək olmaq, onlara xoş ovqat bəxş etmək və diqqət-marağı artırmaq olub.
