Əməkdar artist Fərqanə Qasımova konsertlərlə bağlı maraqlı çıxış edib.
OLAY yazır ki, bu barədə sənətçi “10-da görüşək” proqramında danışıb. O deyib ki, konsert işi çox məsuliyyət tələb edir:
“Konsert vermək o qədər məsuliyyətli bir işdir, çətindir. Bura gələ-gələ avtomobildə konsertimin montajına qulaq asırdım. Konsertdə keçirdiyim həyəcanı, hissləri avtomobildə təkrar yaşadım. Özüm-özümə dedim ki, ağlı olan konsert verər? Bu nə çətin bir işdir? Konsertdən bir ay əvvəl və bir ay sonra insan özünə gələ bilmir. Yuxu qaçır, hal gedir”.
