Xalq artisti Brilliant Dadaşova MTV-nin aparıcısı Gülnar Səhliyarlını tənqid edib.
OLAY yazır ki, sənətçi “show_news” instaqram səhifəsində aparıcının hamiləliklə bağlı paylaşılan fotosessiyasına sərt reaksiya verib.
“Keçmiş əslərdə “Xanım” qadınlar bacardıqca hamiləliklərinin bilinməməsinə səy göstərirdilər. Zənci və xidmətçi qadınlar isə hamiləliklərini gizləməsələr də, bu onlara qəbahət sayılmırdı. Çünki onlar ikinci dərəcəli insan sayılırdı. İndi zənci qadınlardan örnək almaq dəb halına gəlib. Amma yenə qızların şəxsi keyfiyyətlərindən bəhs edir, dəblə, çağdaş olmaqla heç bir əlaqəsi yoxdur”, - deyə, Dadaşova şərh bölməsində bildirib.
İzləyicilərin əksəriyyəti Xalq artisti ilə eyni fikirdə olduqlarını vurğulayıb.
Qeyd edək ki, Gülnar MTV-də “Gümrah həyat” verilişinə aparıcılıq edir. O, yoldaşı ilə birgə hamiləlik fotosessiyasını instaqram hesabında paylaşıb.
