Bu gün keçmiş “One Direction” qrupunun üzvü Liam Peynin ölümündən bir il ötür.
OLAY yazır ki, 31 yaşlı sənətçi Buenos Ayresdə qaldığı hotelin 3-cü mərtəbəsindən yıxılaraq həlak olub. Ölümündən sonra onun narkotik maddələrin təsiri altında olduğu üzə çıxıb.
Liam faciəvi vəfatından bir ay sonra Amserhamda dəfn edilib. Onun vida mərasimində “One Direction” qrupunun üzvləri Herri Stayles, Zeyn Malik, Niel Horan və Luis Tomlinson iştirak edib.
Liam 1993-cü il 29 avqustda İngiltərədə dünyaya göz açıb. Erkən doğuşla dünyaya gəldiyi üçün Liam bir müddət xəstəxanada tutulub. İki bacısı olan sənətçi müğənnilikdən əvvəl idmanla da məşğul olub.
O, “The X Factor” müsabiqəsində Nikol Şörzinqerin tövsiyəsi ilə qurulan “One Direction” qrupu ilə tanınıb. Qrup dağıldıqdan sonra solo fəaliyyətini davam etdirən Liam 2016-cı ildə müğənni və mahnı sözü yazarı Çeril ilə ailə qurub. Cütlüyün Bear adlı bir oğlu dünyaya gəlib.
