Ötən gün türkiyəli məşhur ifaçı Edisin Bakı konsertinin biletləri satışa çıxıb.
OLAY-ın məlumatına görə, bununla da Azərbaycanda bir ilk yaşanıb. Belə ki, müğənninin konsertinə getmək istəyənlər ilk 6 saat ərzində iticket.az-dan 1000-dən çox bilet alıblar.
3500 nəfərlik tutumu olan Bakı Konqres Mərkəzinin ikinci mərtəbəsində yerləşən yerlərin 90%-i satılıb.
15 manatdan 40 manatadək olan biletlər isə tükənib. Zalın ilk üç sırasında dəyəri 190 manat olan yerlərin də 90% - satılıb. Ötən gün saaat 18:00 radələrində satışa çıxan biletlərin hazırda 30%-i satılıb.
Qeyd edək ki, konsert 7 mayda baş tutacaq. Müğənni musiqiçiləri ilə birgə canlı ifalar səsləndirəcək. O, Bakıya rəqqasları da daxil olmaqla 30 nəfərlik komandası ilə gələcək.
