Samirə Ərəblinskaya (Müəllif)
Türkiyənin sevilən sənətçisi Türkan Şoray aksiyalar zamanı həbs olunan gənclərin sərbəst buraxılmasını istəyib.
OLAY yazır ki, Şoray bununla bağlı sosial media hesablarında açıqlama yayıb:
“Sevgi əməklə yaranır. Gənclərimizi dinləmək, onları anlamaq, gələcəyə dair narahatlıqlarına həll tapmağa çalışmaq da elə bunun kimidir. Ancaq biz bir-birimizi anlayaraq, sevərək və empatiya quraraq gözəl günlərə çata bilərik. Hələ də gənclərimiz həbsdədir. Mən bir anayam və bunun ağrısını yaşayıram. Gənclərimiz niyə həbsdədir? Demokratik hüquqlarını istifadə etmək istəyən gənclərin bayram günlərini dəmir barmaqlıqlar arxasında keçirməsi hər birimizin ürək yarası olmalıdır. Onlar bizim övladlarımız, göz bəbəklərimiz, ölkəmizin gələcəyidir. Atatürk bu vətəni onlara əmanət edib. Gənclərimiz tezliklə azadlıqlarına qovuşmalıdır. Bir sənətçi olaraq gənc həmkarlarımı çox yaxşı anlayıram.
Sənətçi sual verir… Sorğulayır… Hər şeyi tənqid etmək və daha yaxşısını istəmək onların təbiətində var. Onlar ölkələrini aydınlıq dolu bir gələcəyə aparmaq üçün məsuliyyət daşıyırlar, cəmiyyətə güzgü tuturlar. Sənət və sənətçi susdurulmamalıdır. Əslində biz hamımız eyni şeyi istəyirik: Daha gözəl və yaşamağın mükün olduğu vətən. Bunun üçün düşüncə və ifadə azadlığı bizim əvəzolunmazımız olmalıdır. Demokratik bir ölkə bizim vazkeçilməzimizdir. Biz hamımız bir bütövlüyün parçaları olduğumuzu, tək vətənimiz olduğunu unutmamalıyıq. Biz bir-birimizi sevən, qoruyan, haqq yeməyən, anlayışlı, yaralarımızı sağaldan insanlarıq… İndi bunu xatırlamağın tam zamanıdır”.
