Pərviz Hüseyn (Müəllif)
Məhşur geyim və moda brendi “Christian Dior Couture” Azərbaycandakı şirkətini ləğv edib.
OLAY yazır ki, “APA-Economics” bu barədə Dövlət Vergi Xidmətinə istinadən xəbər verib.
Məlumata görə, “Christian Dior Couture Azərbaycan” MMC ləğv olunduğunu elan edib. Qeyd edilib ki, kreditorlar iki ay ərzində tələblərini Bakı şəhəri, Səbail rayonu, Neftçilər pr küçəsi, ev 105 ünvanına bildirə bilərlər.
Qeyd edək ki, Azərbaycanda 2013-cü ildə dövlət qeydiyyatına alınan şirkətin qanuni təmsilçisi Vinsent Simon Pier Bernarddır. Şirkətin nizamnamə kapitalı isə 4 milyon 350 min avrodur.
