Türkiyəli tanınmış müğənni Edis Görgülü Bakıya gəlir.
OLAY-ın əldə etdiyi məlumata görə, sənətçi ilk dəfə Bakıda konsert proqramı ilə çıxış edəcək.
Ötən il “Martılar”, “Arıyorum” adlı mahnıları ilə dinlənmə siyahılarında ilk yerlərdə olan və saysız konsert verən Edis yaz aylarında paytaxtımızın qonağı olacaq.
O, 7 may tarixində sevənlərinin qarşısına çıxacaq.
Qeyd edək ki, 31 yaşlı sənətçi Londonda dünyaya gəlib. 2011-2012-ci ildə “Dinle sevgili”, “Hayatımın rolü” seriallarında rol alıb.
2014-cü ildə ilk sinqlı “Benim ol” böyük səs-küyə səbəb olur. 2016-cı ildə “Dudak”, 2017-ci ildə “Çok çok” hitləri işıq üzü görüb. 2018-ci ildə “An” adlı ilk albomunu çıxarıb. “An”ın konsert turları minlərlə insan tərəfindən izlənilib.
Müğənni “Altın kelebek” mükafatı daxil olmaqla, bir neçə mükafatın sahibi olub. Dəfələrlə “İlin mahnısı”, “İlin müğənnisi” kateqoriyalarında qalib olub.
